Администрация сельского поселения
«Югыдъяг»
Усть-Куломский район Республика Коми
Герб Республики Коми
«ЮГЫДЪЯГ»
СИКТ ОВМŐДЧŐМИНЛŐН
АДМИНИСТРАЦИЯ
КУЛŐМДiН РАЙОН
КОМИ РЕСПУБЛИКА

Почталöн Югыдъягса юкöн пыр медбуръяс лыдын.

Почталöн Югыдъягса юкöн пыр медбуръяс лыдын. Любовь Петровна Паршукова 25 во нин юкöнса начальник, ставнас тайö уджын 34 во. Уджалан котырын квайтöнöсь – сы кындзи кык оператор да куим почтальон. Гижöдöны газет- журналъяс вылö, вöзйöны лотереяяс да выль вайöмторъяс, босьтöны-сетöны посылкаяс да бандерольяс. Танi жö йöз вештöны коммунальнöя могмöдöмысь, штрапъяс да с.в. Кольöм во помын восьтiсны «Почта банклысь» юкöн, йöзлысь босьтöны сьöм уджйöзалöм кузя банк дорö шыöдчöмъяс. Танi сiдзжö вузасьöны сёян-юанöн да овмöсын коланаторъясöн.
– Вежоннас куимысь локтö Кулöмдiнса почтамтлöн машина. Сiйöн жö быд субöта газет-журналъяс нуам Белоборскö да Канаваö. Бöръяас квайт овмöс да быдöн судз öдöны оз öтиöс, а некымын петас. Тулысын да арын, кор вештылöн пос, машина кольччö Югыдъягö. Сэки юрсиктсянь вайöмсö вуджöдöны катерöн, танi вочаалам. Миян бур, ыджыд сяма уджалысьяслöн котыр, – сёрнитiс Любовь Петровна, а сэсся казьтыштiс воддзасö.
Связьлысь 36-öд номера училище помалöм бöрын уджыштiс юрсиктса почтамтын. Вежлалiс шойччыны петысь юкöнса начальникъясöс, вöлi инструкторöн. Кага чужтöм бöрын вуджис чужанiнас, Югыдъягö. Операторалiс, сэсся пуктiсны юкöнса начальникöн. Öттшöтш велöдчис связь кузя техникö связьлöн Архангельскса техникумын. Сэки почта вайлiсны самолётöн, газет-журналъяс, письмöяс волiс куим-нёль мешöк. Почтальон кежавлiс быд керкаö. Сэки юкöн вöлi медводдзаöн
газет-журналъяс гижöдöмын. Öнi мöд олöм, но юкöнса уджалысьяс нуöдöны уна сикас удж, мед унджык йöзöс ышöдны локны почта вылö. И налöн тайö артмö. Таын ыджыд пай Любовь Петровналöн, кодöс уна вося бур уджысь почёт грамотаöн пасйис почталöн Федерацияса
управление.

Марина Дадашова.
Снимок Оксана Калитовскаялöн.